اعمل نفسك ميت ،

اعمل نفسك ميت ،
شوف مين اللي هيسأل ..
شوف مين اللي هيزعل ..
مين هيدمع دمعه بجد ..
مين هيروح و هينسي بحد
و هيضحك مع ناس تانيين ..
مين يتضايق .. مين مش فارق
مين بيمثل إنه حزين ..
مين هيقول عنك : كان طيب
مين لو جت سيرتك قدامه ..
هيبرطم ويسب الدين
اعمل نفسك ميت ،
حتي إنشالله يومين ..
تعرف مين ف غيابك جارح ..
تعرف مين كان حب مصالح ..
مين مبقاش عايز يفتكرك
مين باقي علي أي وعود
جه وزمان قالهالك ..
تعرف مين كان يوم بيحبك
بس مكنتش واخد بالك ..
مش بتبان الصورة الكاملة
غير لو شفتها وانت بعيد ..
اعمل نفسك ميت ،
وانت هتعرف مين الأصلي
ومين أصلآ "تقليد"

"مينا مجدي"

تصنيف :