اخوتى الاحباء ،
لا تهتموا بالمشاكل الطائفية كثيرا لا تتكلمون عن بروتستانت وارثوذكس تعالوا نتجمع معا ، لية نتفرق
تعالوا نتجمع نبقا واحد عن طريق اننا نتناول كلنا من على مذبح واحد ، تعالوا كلنا نشترك فى ذبيحه واحده مقدسه
بلاش نتكلم عن سامح موريس او عن الانبا بيشوى انسوا كل ده وتعالوا اشتركوا معانا فى جسد المسيح الواحد على المذبح .
اخوتنا البروتستانت ليه تتفرقوا عننا ، احنا لا نريد طوائف ولا نريد فرقه بين الكنائس لية بترفضوا تشتركوا معانا فى التناول ونبقا كلنا جسد واحد ،،، ليه ؟
اخوتنا البروتستانت الوقت مش وقت خلاف انتوا بتقولوا ان عندكم معموديه طيب لية بتتعمدوا برة عننا ، تعالوا نبقا واحد بجد عمدوا اولادكم فى كنائس المسيح القبطية المصرية ليه تبنوا كنايس بروتستانت وتعمدوهم بعيد ليه عاوزين انقسام وفرقه .
اخوتنا البروتستانت طالما عندكم قسس و اساقفه طيب لية زعلانين من قسس كنيستنا واساقفتها ، ليه عاوزين انقسام وانشقاق
لية بتعملوا جمعيات بعيد عن كنائسنا ، ليه بتتفرقوا عننا كل يوم وتبعدوا
ليه بتبنوا بيت وتسموة كنيسة وفى الاخر تقولوا الوحدة الوحده
النهاردة لازم نتفق كلنا مفيش انقسام تانى تعالوا نبقا واحد ، اتعمدوا معانا معموديه واحدة ، تعالوا نشترك ف. سر كسر الخبز ذى ايام الرسل على مذبح واحد ، تعالوا كلنا نكون فى كنيسه واحدة تحت رئيس واحد .
تعالوا ننضم لكنيسه الرسل والشهداء والمعترفين ، احنا فاتحين احضانا ليكم ، ننتظركم يا اخوتنا وحبايبنا .
اندراوس عبدالمسيح
0 التعليقات
