التقليد قبل نزول الشريعة - موضوع عن التقليد واهميتة

التقليد قبل نزول الشريعة 

هم مش عجبهم التقليد اذا كان الرب بنفسة اكد ع التقاليد قبل نذول الشريعةوتعالوا نشوف واحكموا: 

1-كتاب التكوين اتكتب حوالي2472للخليقة وده بحسب الدراسات اليهودية .وده يساوي 1530 ق.م مع ذكل كان الرب يعطي وصاياه شفويا وحفظها الشعب جيﻻ بعد جيل حتي موسي ومن اشهر تلك التقاليد .

2-التسليم الشفوي للوصايا بعدم اﻻكل من الشجرة.

ووصية نسل المرأة يسحق رأس الحية ...وبسببها كانوا منتظرين المسيا رافع القصاص 

3-هو لما ربنا قال لقايين إن احسنت افﻻ رفع ....هو مش اداله عﻻمه توارث معناها الناس وعرفوا ان قاتله سيجازي.

4-نوح قعد 100 سنة حافظ الوصية بتاعت النجاة م الطوفان وشغال علي الفلك

5-الناس اللي كانت متسلمه من ادم الصح والغلط واتناقلوه جيل بعد جيل شهد لهم الكتاب(هابيل الصديق.اخنوخ البار.نوح البار.ابراهيم المطيع.يوسف اللي اعتبر الزني شر عظيم .وقال ان تفسير احﻻمه مش من عنده بل من عند الرب واللي رفض يحاكم اخواته وقال كلمة رائعة"هل انا مكان الله")الناس دي تناقلت الموروث المسلم من الله لادم ثم لنسله بالتقليد!!!

5-العباده .وممكن تﻻحظها ف صلوات ابراهيم واسحق ويعقوب ورفقه

6-بناء المزابح وتقديم القرابين ....علما العهد القديم بيقولوا ان المزابح اتبنت ﻻن ربنا قال ﻻدم انه يكرمه بالزبائح وده بعد مكساه جلد بدل ورق الشجر..وكانا الزبائح رمز للكفارة والخلاص ...يبقي الموضوع تسليم.

7-ظهور الكهنوت بالتدريج .فاﻻول كان رب اﻻسرة هو الكاهن اللي بيقدم الزبائح بعد كده بقي لكل قبيله كاهن بعد كده لكل شعب كاهن ونقرأ عن ملكي صادق ملك شاليم انه كان كاهن لله العلي.ويثرون كاهن مديان .وغيرهم برضه ده تسليم .

8-حفظ اليوم السابع"السبت"ﻻنهم عرفوا بالتسليم قبل كتابة الوصايا العشر ان ربنا بارك اليوم السابع ....علشان كده بيقلهم"اذكر"يوم السبت ...وده للتذكير مش امر مستحدث..يبقي تقليد وﻻ ﻷ؟

9-اﻻقسام ..بزاتي اقسمت يقول الرب...علشان كده كانوا بيشهدوا ربنا ع كل فعل زي قسم ابراهيم لملك سادوم...

10-النذور.وتقديم العشور لله بواسطة كهنته....وﻻ هو ايه اللي جعل ابراهيم يقدم عشوره لملكي صادق!! ..وﻻ مش يعقوب نذر يقدم العشر من الخيرات للرب!!

11-قصة برج بابل وفصة الطوفان ...الشعوب الوثنية عرفتها ازاي وكتبتها ف سجﻻتها ..مش من المصادر اليهودية المنقولة . او بالتقليد!!

12-العهد بقوس قزح لنوح مش كان شفاهي وتوارثه ابناء نوح بالتقليد.

13-العهد ﻻبراهيم انه تتبارك ف نسله كل اﻻمم....جاء الرسولين بطرس وبولس -وكل سنة وانتم طيبين بمناسبة عيدهم-جم ف سفر اﻻعمال زكروا الوعد ده وربطوه انه عن المسيح لخﻻص كل اﻻمم

14-الختان ...كان وصية ﻻبراهيم تناقلها اليهود بالتسليم والممارسة الطقسية

15-شريعة القتل اللي سنها الرب لنوح بقوله سافك دم اﻻنسان يسفك دمه ...اتوارثها اليهود لحد ماقيل ...ﻻ تقتل..هو ده مش تقليد 

16-شريعة اكل اللحوم لنوح

17-عدم اكل الدم برضه لنوح ...ثبتها موسي ف ﻻويين17

18-الزواج بزوجة اﻻخ.....قالها موسي ف تثنية ..لكن يهوزا عملها قبل وصية موسي مع وﻻده التﻻته ..هو يعقوب عرفها منين!!!والغريب انه شهد لثامار انها ابر منه ﻻنه لم يعطيها لشيله ابنه.وتتجلي اكتر الوصية ف راعوث

19-خطية النجاسة ..التوراة اقرت بقتل الزانيه ...طيب هو يعقوب قبل الوصية كان عاوز يحرق ثامار ليه !!!عرف ازاي ان ده خطيه .مش بالتسليم

20-انساب اﻻسر والمشاهير ورؤوس القبائل كتبها موسي من ادم ...هو الناس كانت حفظاها ازاي!!!مش ده برضه تسليم وﻻ حاجه تاني؟

21-اللي درس الترجمة السبعينية هيﻻقي حاشية تفسيرية مش مكتوبة غير ف السبعينية بتقول ان قايين قال لهابيل"هلم نخرج الي الحقل" تكوين 8..السؤال جابوها منين؟؟؟ وﻻ بيحرفوا ...طيب لو بيحرفوا كان حطوها ف النص ..لكنهم حطوها كحاشية تغسيرية...

22-القديس اسطفانوس ف خطابه قتل ان نفوس بني يعقوب 75ولكن التكوين بيقول انهم مش اكتر من70 السؤال هو ليه اللي بيحاكموه معترضوش !!!اقولكم ..اعتبر اليهود الخمس وسبعين هم 66بيت يعقوب بدون يعقوب ويوسف ومنسي وافرايم(4)باﻻضافة ل9نساء زوجات اخوة يوسف ﻻن ليئة وراحيل وزوجة يهوزا ماتوا(تكوين19:35)وتكوين(31:49)وتكوين(12:38)وموت زوجة شمعون(تكوين 10:46)وبلهه وزلفة .....يبقي ليه ماتهموش اسطفانوس بالتحريف ...علشان هم كانوا عارفين بالتقليد انه صح.

23-عدم اكل عرق النسا بسبب ضرب المﻻك ليعقوب وف ده يشهد موسي للتقليد ان اليهود مبياكلهوش "الي هذا اليوم".
كل اللي كتبته ده عن التقليد قبل عهد الناموس ..ولما جاء الناموس اكد عليه .

اعداد / George Merola

تصنيف : لاهوت مقارن