كنيستنا فى هذا العصر لابد ان تقام على ثلاثة اعمدة حقيقين

كنيستنا فى هذا العصر لابد ان تقام على ثلاثة اعمدة حقيقين
وربنا بيعطينى مثال قدام عيونا بهذة الصورة الجميلة التى تضم الثلاث اعمدة .

العمود الاول هو البابا تواضروس ازاى يقبل الكل ازاى يحتوى الكل ازاى يناقش كل شئ وازاى يسالم كل الناس ، ازاى يكون بابا كل الناس ، ايوة متستغربش انة بابا كل الناس بابا الناس اللى عندهم مشاكل فى الاحوال الشخصية وبابا الناس اللى عندهم مشاكل مع قيادات كنسية ، بابا الاكلريوس وبابا الشعب ، بابا المصريين وبابا المهجر ، دا بتاع الكل بغض النظر عن افكار الناس دى .

العمود التانى هو الانبا رافائيل. سكرتير المجمع اللى بيكمل العمود الاول هو العقيدة واللاهوت الارثوذكسى بيكمل ازاى نعمل توازن بين بابا الكل وبين تعاليم الانجيل

واما العمود التالت هو الانبا موسى اسقف الشباب ودا بيعطى الامل ان لكل خلاف ومشكلة حل ، يعطى الفرصة للشباب انها تعبر عن وجودها وارائها وتتكلم بحرية ، متكتمشى صوتى ، سبنى اعترض على شئ انا شافية غلط ، ناقشنى ، اسسنى صح واعطينى الحرية اختار براحتى

الكنيسة مش عقيدة فقط ، مش قبول لكل الناس فقط ، مش حرية فقط ولكن التلاتة دول بيكونوا ارثوذكسى متمدن يستطيع ان يحيا فى العالم ولا يتأثر بة
الله يثبت اساسات الكنيسة امين

صلوا لاجلى
اندراوس عبدالمسيح

تصنيف : الشاعر اندراوس